شوربه البروكلي بالكريمة الذيذة

شوربه البروكلي بالكريمة الذيذة
المكونات بروكلي وبصله صغيرة وفص توم ومكعب ماجي ومعلقة دقيق وكريمة.
اول حاجة تحط شويه زيت وانا دايما بفضل زيت الزيتون البكر ونحمر البصل والتوم لحد ما يكون شفاف ونضيف معلقة الدقيق ونقلب .

بعدين نضيف البروكلي القطع و2 كوب ماء ونتبل بالملح والفلفل الاسود ومكعب الماجي ونسيبه لحد ما البروكلي يستوي .
تقريبا بيحتاج 10 دقائق للسوة وبعدين بايد المالتي كويك والاداة دة رائعه وانا بحبها اوي خصوصا لعمل الشوربات لانها بتوفر عليا انقل الشوربه للخلاط وبعدين ارجعها تاني بنهرس البروكلي تماما .
وبنرجع الحلة تاني على النار ونخليها تغلي لمدة 5 دقايق كمان وبعدين نضيف الكريمة وملهاش كميه محددة بتكون حسب الرغبه بس غالبا بتكون نص كوب او تلات ارباع الكوب.
نسيبها تغلي كمان دقيقتين وبتكون الشوربة اللذيذة جاهزة للتقديم اتفضلوا.