ماننسه علي نجم في قصة صغيرة له

قولكم قصه،
قلب، بريء ماله من الشيطان طريج.. يذكرونه بالخير، يحبون يتقربون منه. قلب عادي، حاله حال قلوب الكل، تميّز في انه صافي بس..

هالقلب، تعلّق في يوم، بقلب ثاني.. شاف الدنيا غير، حس بطعم يديد يلمسه، حب الموضوع اكثر، قرر انه يتعشم بشكل اكبر،، فرض توقعات اكبر من الواقع!

ما توقع هالقلب، انه في قلوب لونها اسود! مسكين، على باله كل شي ملوّن صح، بنفس لونه.. دخل وادي صعب، طريج وعر! خاف هالقلب، و قام يرجف..

رجفته حسسته بالضعف.. هالقلب قام يدوّر حوله، يسأل نفسه انا وين؟ يسأل راعيه، يقول له شسويت فيني؟ وين وصلتني؟ حرام عليك.. انا ضايع رسمي..

نزلّ راسه هالقلب، ظلّ يناظر احاسيسه، يحاول يحميهم، يشجعهم، يقويهم، و يخش دموعه لنفسه! صامد امام الكل، و مكسور امام نفسه.. لين استسلم.

استسلم هالقلب، قال كلمة وايد حبيتها، (بنيت لنفسي قصر توقعات، و هدمته بأيدي) ..

خاب ظن الشوق بك صابه قهر..

رجع له ذاك القلب، رجع له من كان في يوم مصدر الامان، يطلب منه يرده للدرب الصحيح..

تأخرت، ولا اقدر.. اعيد ايام معاناتي..

وقف كل احساس فيه يتكلم،
قال له #الخوف، اليوم انا بغيب عنك، ماحب اشوفك مكسور..
طلب منه #الامل طلب و قاله كُن صديقي.
و صرخ #الحب "صار دوري"

ابتسم يا قلب، احاسيسك تجمعت نفس الجنود تدافع عنك..
ارتاح يا قلب، عندك من ياخذ لك حقك..
ارفع راسك يا قلب، تربع على عرش مملكتك "انا"..

بكل فخر، قام قلبي، رجعت فيه الحياه.. قام ينبض من يديد، قوي، شامخ، هيبته كما هيبة ملك..

ما دفنك الحزن يا قلبي، انفض غبارك و قمّ..

و اليوم،
هالقلب ساكن بين ضلوعي، ينبض تفاؤل، ينبض عشق، ينبض امل، ينبض دنيا جميله.. ينبضك انت!

هذي قصة قلبي، هذا لونه..
و انت؟ قلبك وشـــلونه؟

#علي_نجم